Bugun.tv xəbər verir ki, prezident Co Bayden ABŞ-a qarşı iddia edilən kiberhücumlara görə milli fövqəladə vəziyyəti və sanksiyaları daha bir il uzadıb.
“Bu zərərli kiber-aktiv fəaliyyətlər ABŞ-ın daxili və xarici siyasəti, iqtisadiyyatı üçün təhlükə törətməkdə davam edir. Buna görə də 2015-ci il aprelin 1-də elan edilmiş milli fövqəladə vəziyyət 2023-cü il aprelin 1-dən sonra da qüvvədə qalmalıdır”, – sənəddə deyilir.
“Buna görə də mən 13694 saylı İcra Sərəncamında elan edilmiş milli fövqəladə vəziyyəti bir il davam etdirirəm”,- Bayden qeyd edib.
Ağ Evin məlumatına görə, ABŞ prezidentinin 13757 saylı Sərəncamı ilə tətbiq edilən tədbirlər də qüvvədə qalacaq. Sanksiyalar xüsusilə Rusiyanı hədəf alır.
Mənbə:TASS