Avstriyanın Xarici İşlər Nazirliyi ötən gün Almaniyanın “Tagesspiegel” qəzetinə nazir Karolin Edtstadlerin “Putin Avstriyaya addım atacağı təqdirdə həbs olunacaq” açıqlamalarından sonra məlumat yayıb.
Bugun tv xəbər verir ki, bəyanatda Rusiya prezidenti Putinin Avstriyaya səfər edəcəyi təqdirdə həbs olunacağı təsdiqlənib. “Heç kim qanundan üstün deyil. Bütün cinayətlər boşluq qoymadan işıqlandırılmalıdır, cəzasız qala bilməz”.
Bəyanatda, həmçinin, Avstriyanın da digər ölkələr kimi Beynəlxalq Cinayət Məhkəməsinin çıxardığı qərarları icra etməyə borclu olduğu vurğulanıb.
“Bu, məhkəmənin həbs qərarının icrası və axtarışda olan şəxsin tutulması deməkdir. Təbii ki, qərar Prezident Putinə də aiddir”,- açıqlamada qeyd olunub.
Mənbə: TRT Haber