Fransa prezidenti Emmanuel Makron pensiya islahatları haqqında qanunu imzalayıb.
Bugun.tv xəbər verir ki, sənəd ölkənin rəsmi jurnalında dərc olunub.
“Sosial Təminat Məcəlləsinə bununla bağlı dəyişiklik olunub. Birinci abzasda “altmış iki” sözləri “altmış dörd” sözləri ilə əvəz edilib”, – sənəddə deyilir.
Fransanın pensiya yaşını 62-dən 64-ə qaldıran və bir neçə xüsusi pensiya rejimini ləğv edən pensiya islahatı layihəsi yanvarda təqdim edilib. Bu təşəbbüs ölkə boyu nümayişlərə və tətillərə səbəb olub. Martın 16-da baş nazir konstitusiya səlahiyyətlərindən istifadə edərək qanun layihəsinin Milli Assambleyada səsvermə olmadan qəbul ediləcəyini elan etdi və bu, yeni etiraz gətirib çıxardı.
Mənbə:TASS