Sudanda yaşanan qarşıdurmalar zamanı 411 mülki şəxs həyatını itirib. İndiyədək 2023 sadə vətəndaş isə, yaralanıb.
Bugun.tv xəbər verir ki, bu barədə ölkənin Həkimlər Birliyi məlumat yayıb.
Ordu ilə HDK arasında atəşkəsə baxmayaraq, müxtəlif bölgələrdə qarşıdurmaların davam etdiyi bildirilir.
Sudanda münaqişə 15-ci gününə qədəm qoyub.
Ölkədə tərəflər aprelin 28-dən etibarən ABŞ-ın 72 saatlıq yeni atəşkəs çağırışına əməl edəcəklərini açıqlayıblar.
Qeyd edək ki, aprelin 15-dən başlayaraq, Sudanda ordu ilə HDK arasında qarşıdurmalar davam edir.
Mənbə: TRT haber