Bugun.tv xəbər verir ki, Google uzun müddətdir istifadə olunmayan şəxsi hesabları silməyə başlayacağını açıqlayıb.
Bununla yanaşı, istifadə olunmayan hesablardakı məlumatlar da silinəcək.
Son Haberin məlumatına görə “Bu ilin sonundan başlayaraq, Google hesabı ən azı 2 il ərzində istifadə edilməyibsə, biz hesabı və onun məzmununu, o cümlədən Google Workspace (Gmail, Sənəd, Disk, Meet, Təqvim), YouTube, və Google Fotoları siləcəyik”.
Şirkət açıqlamasında bildirib ki, hakerlər tərəfindən ələ keçirilən köhnə parollar açıla və giriş edilməyən hesablardan zərərli məqsədlər üçün istifadə oluna bilər. Buna görə də Google belə bir qərar qəbul etməli olub.