“Qərb Dağlıq Qarabağ ətrafındakı vəziyyətə hər cür müdaxilə etməyə, mövcudluğunu artırmağa və Rusiyanın sülhməramlı siyasətini gözdən salmağa çalışır”.
Bugun.tv xəbər verir ki, bu fikri Rusiyanın müdafiə naziri Sergey Şoyqu bildirib.
“Qafqaz regionundakı vəziyyətə gəlincə, bu, daha çox Ermənistan-Azərbaycan münaqişəsinin həlli dərəcəsi ilə müəyyən edilir. Hazırda Dağlıq Qarabağda təhlükəsizliyi Rusiya sülhməramlı kontingenti təmin edir. Lakin Qərb vəziyyətə müdaxilə etməyə, mövcudluğunu artırmağa və Rusiyanın sülhməramlı siyasətini gözdən salmağa çalışır”, – Şoyqu Minskdə Kollektiv Təhlükəsizlik Müqaviləsi Təşkilatının (KTMT) Müdafiə Nazirləri Şurasının iclasında söyləyib.
Onun fikrincə, Qərb üçün əsas məsələ “Rusiyanı Cənubi Qafqazdan sıxışdırmaqdır, regionun uzunmüddətli təhlükəsizliyini və rifahını təmin etmək deyil”.
“Buna misal olaraq hərbçilərin və xüsusi xidmət orqanlarının əməkdaşlarının daxil olduğu Aİ-nin Ermənistandakı mülki missiyasını göstərmək olar. Məncə, onların əslində nə etdiklərini izah etməyə ehtiyac yoxdur”, – Şoyqu bildirib.
“Bununla əlaqədar biz KTMT-nin regiona missiyasının göndərilməsi ilə bağlı işi davam etdirməyi zəruri hesab edirik”, – deyə baş nazir qeyd edib.
Mənbə: TASS