Bugun.tv xəbər verir ki, Gənc Tamaşaçılar Teatrında “Göz həkimi” tamaşası nümayiş etdirilib. Qeyd edək ki, görkəmli oftalmoloq, əməkdar elm xadimi, tibb elmləri doktoru, professor Zərifə Əliyevanin 100 illiyinə həsr olun tamaşa izləyicilər tərəfindən böyük coşqu ilə qarşılanıb, maraqla izlənib.
Bu barədə əsərin quruluşçu rejissor Günar Hacıyeva facebook hesabında paylaşım edərək, sevincini bölüşüb.
“Səhiyyə Nazirliyi İctimai Səhiyyə və İslahatlar Mərkəzinin təşəbbüsü ilə İ.Səfərlinin eyni adlı pyesi əsasında quruluş verdiyim “Göz həkimi” tamaşası nümayiş olundu. Güvənib ətrafıma yığdığım, tamaşaçı qarşısında həmişə başımı uca edən aktyorlarım və texniki heyyətə, cüzi də olsa, əməyi keçən hər kəsə ayrı-ayrılıqda təşəkkür edirəm”, – Gülnar Hacıyeva bildirib.
