Bugun.tv xəbər verir ki, Pirallahı rayonunda oğurluq olub. Rayon Polis İdarəsi əməkdaşları daxil olan məlumat əsasında əməliyyat keçirib. Nəticədə Gürgan qəsəbəsindəki evlərin birindən 450 manat pul və 10.000 manat dəyərində qızıl-zinət əşyaları oğurlamaqda şübhəli bilinən Bakı şəhər sakinləri K.Əliyev, N.Bayramlı və M.İsmayılov müəyyən olunaraq saxlanılıblar.
Digər bir oğurluq isə Binəqədi rayonunda qeydə alınıb. Bakı Beynəlxalq Avtovağzal Kompleksinin qarşısında Bakı şəhər sakini olan bir nəfərin çantasından 500 manat və 4000 ABŞ dollarının qeyri-aşkar şəraitdə oğurlanması barədə polisə məlumat daxil olub.
Binəqədi RPİ 40-cı Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Tovuz rayon sakini Elvin Namazov müəyyən olunaraq saxlanılıb.
Faktlarla bağlı cinayət işi başlayıb. Araşdırma aparılır.