Bugun.tv xəbər verir ki, son dövrlərdə ailələrdə uşaqların sayında azalmalar var. Bunu isə ailələr imkansızlıqla əlaqələndirirlər.
Tanınmış sosioloq Elçin Bayramlı çox uşaqlı ailələrə əvvəlki kimi yardımların edilmədiyini vurğulayıb.
“Bizə əvvəllər dövlət tərəfindən çox yardım olunurdu. Təəssüf ki, bu status ləğv olundu. İndi dövlət tərəfindən yardım 6 uşaqdan artıq ailələrə verilir. Belə ailələr isə çox az saydadır. Demək olar ki, yox vəziyyətindədir. Yəni, bu yardımlar kağız üzərindədir. Formal olaraq effektiv deyil “, – E.Bayramlı bildirib.
Sonda sosioloq dövlət qurumlarına ən az 3 və ya 4 uşaqlı ailələrə yardım verilməsini və bunun da dövlət üçün elə də ağır olmadığını bildirdi.
Müxbir: İntizar Əmirova