Bugun.tv xəbər verir ki, Milli Müdafiə Nazirliyinin paytaxtın Elmadağ rayonunda yerləşən Maşınqayırma və Kimya Sənayesi (MKE) Raket və Partlayıcı Maddələr zavodunda partlayış baş verib. Qurum 5 fəhlənin öldüyünü açıqlayıb. “İlk təəssüratlara görə, partlayış kimyəvi reaksiya nəticəsində baş verib. Araşdırmalar davam edir”, – Ankara valisi Vasip Şahin hadisə ilə bağlı açıqlamasında bildirib.
Hadisədən dərhal sonra Ankara Respublika Baş Prokurorluğu da məlumat yayıb. “10 iyun 2023-cü il tarixində saat 08:50 radələrində Elmadağ rayonunda fəaliyyət göstərən MKE Barutsan fabrikində baş vermiş partlayış və 5 fəhlənin ölümü ilə bağlı Elmadağ Baş Prokurorluğu tərəfindən dərhal iki dövlət ittihamçısı təyin edilib, istintaq və təhqiqatlara başlanılıb”.
Mənbə: TRT Haber