Daxili İşlər Nazirliyinin Baş İctimai Təhlükəsizlik İdarəsindən Bugun.ty – yə verilən məlumata görə, Sanitariya-gigiyena qaydalarının təmin olunması istiqamətində tədbirlər davam etdirilir. Axtarış zamanı Göyçay rayonu ərazisində sanitariya-gigiyena qaydalarının pozulması halları aşkarlanıb. Rayonun Qarabaqqal, Şəhadət, Ərəbcəbirli, Çərəkə və Yeniarx kəndlərində sənaye və məişət tullantılarının qalaqlanması, yandırılması zamanı ətraf mühitin mühafizəsi tələblərinə əməl edilməyib.
İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə, həmin kəndlərin bələdiyyə sədrləri barəsində inzibati tənbeh tədbiri tətbiq olunub.
Bu istiqamətdə tədbirlər davam etdirilir.