“Qarabağ”ın mətbuat xidmətinin rəhbəri Gündüz Abbaszadə Ağdam klubu ilə yollarını ayırıb.
Bu barədə Bugun.tv-yə Gündüz Abbaszadə özəl açıqlamasında bildirib.
Qeyd edib ki, “Qarabağ” klubu ilə müqaviləyə qarşlıqlı razılıq əsasında xitam verib.
“Bu gündən sözügedən klubdan rəsmən ayrıldım. Bu 2 il, 4 ay mənim üçün böyük təcrübə oldu. Mənə etimad göstərən hər kəsə, klub rəhbərliyinə, Əmrah Çəlikələ, Qurban Qurbanova minnətdarlığımı bildirirəm”, -G. Abbaszadə vurğulayıb.
Qeyd edək ki, o 2021-ci ilin fevralından “Qarabağ” klubunun mətbuat xidməti vəzifəsində çalışırdı.
Ondan əvvəl bu vəzifəni Nurlan İbrahimov icra edirdi. O, İkinci Qarabağ müharibəsi zamanı yazdığı statusa görə UEFA tərəfindən cəza alaraq, postundan uzaqlaşdırılmışdı.