Bugun.tv xəbər verir ki, Avropa Parlamenti smartfonların batareyalarının çıxarıla bilən olmasını tələb edən qanunu qəbul edib. Beləliklə də, smartfonlarda çıxarıla bilən batareyalar geri qayıdır.
Bu gün bir çox telefon istehsalçıları dizayn olaraq quraşdırılmış batareyalara üstünlük verirlər.
Belə ki, bu yaxınlarda bütün smartfonlar, planşetlər və noutbuklarda USB Type-C şarj portlarını məcburi edən Avropa İttifaqı (Aİ) indi batareyaların qayğısına qalır.
Səsvermənin başa çatması ilə smartfon sənayesi üçün yeni dövr başlayacaq. İndi istehsalçılar batareyaların çıxarıla bilən və istifadəçi tərəfindən asanlıqla dəyişdirilə bilən olmasını təmin etmək məcburiyyətindədirlər.
Təbii ki, bu yeni dəyişiklik Apple, Google və Samsung kimi məşhur smartfon istehsalçılarının xoşuna gəlməyəcək.
Avropa Parlamentində qəbul edilən reqlamentin nə vaxt qüvvəyə minəcəyi isə məlum deyil. Qayda qüvvəyə mindikdən 3,5 il sonra qüvvədə olacaq. Bir sözlə, çıxarıla bilən batareyalı telefonları görmək üçün hələ bir neçə ilimiz var.
Mənbə: Ensonhaber