“Yuventus” yarımmüdafiəçi Adrien Rabiot ilə müqavilənin uzadılmasıbın tərəfdarıdır.
Bugun.tv xəbər verir ki, bu barədə jurnalist Canluka Di Marzio öz rəsmi saytında yazıb.
Onun sözlərinə görə, Turin klubunun bossları 28 yaşlı fransalı yarımmüdafiəçiyə keyfiyyətli əvəzləyici tapmağın asan olmayacağını başa düşüblər. Məhz, buna görə də Rabiot ilə müqaviləni bir mövsüm uzatmağa hazırdırlar.
2022/2023 mövsümündə Rabiot “Yuventus”un heyətində bütün yarışlarda 43 oyuna çıxıb, 9 qol və 6 məhsuldar ötürmə ilə yadda qalıb.
Futbolçunun Turin klubu ilə müqaviləsi bu il iyunun sonunda başa çatır.
Transfermarkt internet portalına görə, futbolçunun təxmini dəyəri 40 milyon avrodur.