Bugun.tv xəbər verir ki, Rusiya Prezidenti Vladimir Putin “Vaqner” muzdlu qrupunun qanuni olaraq mövcud olmadığını bildirib. “Bizim özəl hərbi şirkətlərlə bağlı qanunumuz yoxdur. Deməli, qanun yoxdursa, muzdlu şirkət də yoxdur. “Vaqner” adlanan belə bir hüquqi şirkət də yoxdur”, – deyə o bildirib.
“Kommersant” qəzetinə açıqlamasında Vladimir Putin Rusiya administrasiyasına qarşı üsyan edən muzdlu qrup “Vaqner”lə bağlı belə bir qiymətləndirmə edib.
Vəziyyətin Rusiya cəmiyyəti üçün çox aydın olduğunu deyən Putin Vaqner döyüşçülərinin şərəflə döyüşdüyünü, lakin 24 iyun qiyamına çəkildiyini və bunun üzücü olduğunu bildirib.