Bugun.tv xəbər verir ki, İordaniya Danimarkada Qurana hücumu pisləyib və bunu islamafobiya təzahürü kimi qiymətləndirib.
Bu ölkənin Xarici İşlər Nazirliyi Qurana hücumla bağlı yazılı açıqlama verib.
Bəyanatda müsəlmanların hisslərini oyadan, nifrət doğuran, dinc həyata təhlükə yaradan bu cür məsuliyyətsiz hərəkət və davranışların pisləndiyi ifadə edilib. “Bu hücumların təkrarlanması beynəlxalq ictimaiyyətin onlara qarşı tədbirlər görməsinə əsas verir”, – vurğulanıb.
İordaniya Xarici İşlər Nazirliyi, həmçinin müqəddəs sayılan simvol və dəyərlərin təhqir olunmasını cinayət hesab edən, sülh mədəniyyətini, qarşılıqlı hörməti artıran, ekstremizm və fanatizmə son qoyan qanunların qəbuluna çağırıb.