Bugun.tv xəbər verir ki, İstanbul hava limanında iranlı qadın 30 milyon lirə dəyərində almazı ölkəyə keçirməyə cəhd edərkən yaxalanıb.
Belə ki, Dubaydan İstanbula gələn iranlı qadının hərəkətindən şübhələnən polis onu hava limanının kameraları ilə izləyib.
Şübhəli şəxs gömrük nəzarəti sahəsinə gəldikdən sonra qəribə hərəkətlər etməyə başlayıb.
O, əvvəlcə rentgen aparatının yanından keçməyə çalışsa da, mühafizəçi ona xəbərdarlıq edib.
Cihazın səsi ilə mühafizəçi qadını axtarıb. Onun baqajında və bədənində axtarış aparılıb. Qadının ayaqqabısının altından və üzərində gizlədilmiş çoxlu sayda müxtəlif ölçülü və çəkidə brilyant qaşlar götürülüb.
Saxlanılan qadın deportasiya edilmək üçün Miqrasiya İdarəsinin qruplarına təhvil verilib.
Müxbir: Şəms Elnurqızı