Bugun.tv xəbər verir ki, İstanbulun Fatih şəhərində 5 mərtəbəli otelin elektrik panelində yanğın baş verib. İşçilər vəziyyətlə bağlı 112 Təcili Zəng Mərkəzinə məlumat veriblər. Oteldə qalan turistlər tüstünü görəndə təşviş içində pəncərələrə çıxıblar. Hadisə yerinə gələn yanğınsöndürənlər yanğını tez bir zamanda söndürüblər. Otelin yuxarı mərtəbələrində kömək gözləyən 40 turist pilləkənlərin köməyi ilə təxliyyə edilib. Xəsarət və tələfat olmayıb. Otelin girişinə ziyan dəyib.
TRT Haberin məlumatına görə, yanğınla bağlı araşdırmalara başlanılıb.
Müxbir: Şəms Elnurqızı