Bugun.tv xəbər verir ki, quraqlığın hökm sürdüyü və bəzi yerlərdə suyun temperaturunun 39 dərəcəni keçdiyi Braziliya Amazonlarında son bir həftədə 100-dən çox ölü delfin tapıldığı bildirilib.
CNN-in məlumatına görə, Braziliyanın Elm, Texnologiya və İnnovasiya Nazirliyinin maliyyələşdirdiyi Mamiraua İnstitutundan verilən açıqlamada ölü delfinlərin hamısı Tefe gölündə aşkarlanıb.
Açıqlamada son bir həftədə bölgədə 100-dən çox delfinin ölməsinin qeyri-adi olduğu vurğulanıb və mütəxəssislərin bu hadisəni quraqlıq və Tefe gölündəki suyun temperaturunun bəzi yerlərdə 39 dərəcəni keçməsi ilə əlaqədar olaraq qiymətləndirilb.
Mamiraua İnstitutunun tədqiqatçısı Andre Coelho verdiyi açıqlamada bölgədəki delfinlərin başqa çaylara köçürülə biləcəyini, lakin bunun təhlükəsiz olmadığını bildirib.