Bugun.tv xəbər verir ki, İordaniya Qəzza zolağında İsrailin hücumları səbəbiylə xidmətdən çıxmış İordaniya səhra xəstəxanasının işini davam etdirəcəyini açıqlayıb. İordaniyanın Baş naziri Bəşir əl-Həsavnenin Nazirlər Şurasında məsələ ilə bağlı açıqlaması İordaniya Baş Nazirliyinin X sosial media platformasında yer alıb.
TRT Haber-in məlumatına görə, Hasavne, “Qəzza zolağındakı İordaniya səhra xəstəxanası xidmət etməyə davam edəcək. Xəstəxana ayaqda qalacaq və İordaniyanın (Fələstinli) qardaşlarımıza sadiqliyinə şahidlik edəcək” dedi. Dünən İordaniya dövlət televiziyası Əl-Memleke-də yayımlanan xəbərdə İsrailin hücumlarında zərər görən İordaniya səhra xəstəxanasının İsrailin ətraf əraziləri bombalaması və ona gedən yolları kəsməsi səbəbilə tamamilə xidmətdən çıxdığı qeyd edilib. 2009-cu ildə İordaniya ordusunun nəzdində yaradılmış İordaniya səhra xəstəxanası gündə 1000-1200 nəfərə pulsuz xidmət göstərir.
Müxbir: İntizar Əmirova