Bugun.tv xəbər verir ki, Narkotik alverçilərinə qarşı 12 vilayətdə eyni vaxtda “Narkogüç” əməliyyatı keçirilib. 158 şübhəli saxlanılıb və külli miqdarda narkotik vasitə götürülüb.
TRT Haber-in məlumatına görə, Daxili işlər naziri Əli Yerlikaya Diyarbəkir, Aydın, Antalya, Kütahya, Bitlis, Mersin, İstanbul, Elazığ, Nevşehir, Kütahya, Ərzurum və Qaziantepdə “Narkögüç” əməliyyatlarının təşkil edildiyini açıqlayıb. Polis və jandarma əməkdaşlarının keçirdiyi əməliyyatlarda 158 zəhər satıcısı saxlanılıb. Əməliyyatlar zamanı 6 ton marixuana, 200 kilo sintetik narkotik və 30 min narkotik həb götürülüb. Şübhəlilərdən 55-i həbs olunarkən, digərlərinin dindirilməsi davam edir. Nazir Yerlikaya əməliyyatla bağlı “Zəhər tacirlərinin həyatını acınacaqlı vəziyyətə salacağıq” deyib.
Müxbir: Şəms Elnurqızı