Bugun.tv xəbər verir ki, “Lufthansa” aviaşirkətinə məxsus Münhen-Tokio reysini həyata keçirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.
AZƏRTAC ın məlumatına görə, bu barədə Heydər Əliyev Beynəlxalq Aeroportunun mətbuat xidməti məlumat yayıb.
Buna səbəb təyyarədə olan sərnişinin səhhətinin qəfil pisləşməsi olub.
Airbus A350 hava gəmisi yerli vaxtla saat 19:29-da Bakı hava limanına enib. Sərnişinə tibbi yardım göstərilib və onun Bakıdakı klinikalardan birinə yerləşdirilməsinə qərar verilib.
Təyyarə saat 21:02-də Bakıdan Tokioya yola düşüb.