Bugun.tv xəbər verir ki, Arnavutköydə baş verən yol qəzasında əcnəbi vətəndaş həyatını itirib. İstanbul Hava Limanına gedən yolda hərəkət edən Hakan Gündüzün idarə etdiyi taksi Arnavutköy Tayakadın məhəlləsində Mövlud Köktenin idarə etdiyi avtomobillə toqquşub.
TRT Haber-in məlumatına görə, Xəbər verildikdən sonra hadisə yerinə sağlamlıq, polis və xilasetmə qrupları sövq edilib. Toqquşmanın təsirindən avtomobillərində sıxışan iki sürücü və taksidə sərnişin olan xarici ölkə vətəndaşı Çean Çin Loon çıxarılaraq xəstəxanaya aparılıb.
Qəzada ağır yaralanan Çean Çin Loon dünyasını dəyişib.
Taksi sürücüsü və digər nəqliyyat vasitəsinin sürücüsünün xəstəxanada müalicəsi davam edir.