Bugun.tv xəbər verir ki, Aksarayın Ortaköy rayonunda qanunsuz yollarla avtomobillə ölkəyə gətirilən bal pitonu ələ keçirilib. İl Jandarma Komandanlığı və Təbiəti Mühafizə və Milli Parklar Şöbəsi qrupları, Kırşehirdə yaşayan T.Ç.-nin Türkiyəyə qanunsuz yolla gətirdiyi bal pitonunu Aksarayda satacağı barədə məlumat alıb.
TRT Haber-in məlumatına görə, T.Ç.-nin idarə etdiyi avtomobili Ortaköydə saxlayan qruplar vasitədə şəffaf qutuda piton görüblər. Təbiəti Mühafizə və Milli Parklar Şöbəsi səlahiyyətliləri tərəfindən müsadirə edilən piton Konyanın Karatay rayonundakı zooparka göndərilib. Jandarma qrupları heyvan qaçaqmalçılığı ilə bağlı “5607 saylı Qaçaqmalçılıqla Mübarizə Qanununu pozan” T.Ç.-yə qarşı da qanuni tədbir görüb.