Bugun.tv xəbər verir ki, Ticarət Nazirliyinin Gömrük Mühafizə qrupları tərəfindən həyata keçirilən əməliyyat tədbirləri zamanı Gürbulak Gömrük Qapısında qəlyan kömürü hopdurulmuş metamfetamin, Kapıkule Gömrük Qapısında isə piton aşkar edilərək götürülüb. Nazirlikdən verilən məlumata görə, Gürbulak Gömrük Mühafizə Qaçaqmalçılıq və Kəşfiyyat İdarəsi qrupları tərəfindən həyata keçirilən əməliyyatda İrandan Türkiyəyə daxil olmaq üçün gələn 2 avtomobilə baxış keçirilib.
TRT Haber-in məlumatına görə, şübhəli şəxslər ətraflı axtarış üçün Gürbulak Gömrük Müdirliyinə gətirilib. Yoxlamalar zamanı qruplar sərnişinlərin özləri ilə gətirdikləri bağlamaların içərisində aşkar edilən qəlyan kömürlərindən şübhələnib və analiz üçün kömürdən nümunələr götürüblər. Yoxlamalar zamanı nargilə kömürünə hopdurulmuş təxminən 19 kilo 920 qram metamfetamin aşkar edilərək götürülüb.