Burundinin qərbində, Konqo Demokratik Respublikası ilə sərhədə yaxın Bujumbura əyalətinin Qatumba qəsəbəsində cümə günü axşam saatlarında naməlum silahlı şəxslər tərəfindən azı 20 nəfər öldürülüb.
Bugun.tv xəbər verir ki, bu barədə şənbə günü Burundi hakimiyyətinin nümayəndəsi məlumat verib.
“Ölümlə nəticələnən hücum axşam saat 20:40 radələrində Konqo Demokratik Respublikası ilə sərhədə yaxın Vugizo kəndində 9 ailəyə qarşı baş verib. Terrorçular 12 uşaq, 3 qadın və 5 kişi olmaqla, 20 nəfəri öldürüb”, – hökumət sözçüsü Jerom bildirib.
Onun sözlərinə görə, 9 nəfər yaralanıb və yerli tibb müəssisələrinə yerləşdirilib.