İslam Əməkdaşlıq Təşkilatının Ciddədəki mənzil-qərargahı Səudiyyə Ərəbistanı rəhbərliyinin dəstəyi ilə inşa edilmiş yeni binaya köçüb.
Bugun.tv təşkilatın Baş Katibliyinə istinadla xəbər verir ki, bu münasibətlə İƏT-in Baş katibi Hissein Brahim Taha Kral Salman bin Əbdüləzizə və Krallığın vəliəhdi Məhəmməd bin Salmana təşəkkürünü bildirib. O qeyd edib ki, İslam dövlətləri liderlərinin 14-cü Zirvə görüşünə ev sahibliyi edən və təşkilatın keçirdiyi tədbirlərə dəstəyini əsirgəməyən Səudiyyə Ərəbistanı müsəlman aləminin aparıcı qüvvəsinə çevrilir.
Baş katib qeyd edib ki, yaxın günlərdə yeni binada bir sıra mühüm tədbirlər keçiriləcək və İslam ölkələrinin nümayəndə heyətləri ilə görüşlər olacaq.