Qırmızı dənizdə naviqasiya azadlığını təmin etmək üçün ABŞ-ın himayəsi altında yaradılan beynəlxalq koalisiyaya qoşulan hər bir dövlət Yəmənin “Ənsar Allah” üsyançı hərəkatının (husilər) raket hücumlarına məruz qalacaq.
Bugun.tv xəbər verir ki, bunu BBC-yə müsahibəsində hərəkatın siyasi şurasının üzvü Məhəmməd Əli əl-Husi deyib.
“ABŞ-ın yaratdığı koalisiyaya daxil olan istənilən dövlət naviqasiya təhlükəsizliyini itirəcək və raketlərimizin hücumu altında qalacaq”, – deyə əl-Husi vurğulayıb.