Nigeriyada Kaduna-Abuja avtomobil yolu ilə hərəkət edən silahlı şəxslər 30 nəfəri girov götürüb.
Bugun.tv xəbər verir ki, “Daily Trust” qəzeti bu barədə yerli hakimiyyət orqanlarına və şahidlərə istinadla məlumat yayıb. Senator Şehu Saninin sözlərinə görə, silahlılar yolu bağlayıb, insanları maşınlarından düşürərək naməlum istiqamətə aparıblar.
Bu, son aylar baş verən ilk belə hadisədir. 2023-cü il martın 1-də həmin rayonda 23 turist qaçırılmışdı.
Qeyd edək ki, son zamanlar Nigeriyanın şimalında silahlı qruplaşmalar xeyli fəallaşıb. Onlar yaşayış məntəqələrinə hücumlar təşkil edir, mağazaları talayır və insanları girov götürürlər.