Bugun.tv xəbər verir ki, Amerikalı milyarder İlon Maska məxsus X sosial şəbəkəsi televizorlar üçün YouTube video platformasının analoqunu istifadəyə verəcək. Bu barədə Fortune şirkətdəki mənbəyə istinadən yazıb.
Amazon və Samsung SmartTV-lər üçün tətbiqin gələn həftə istifadəyə verilməsi planlaşdırılıb. Nəşrin həmsöhbəti bildirib ki, xidmət interfeysi “YouTube” televiziya əlavəsi ilə eyni görünəcək.
Televiziya proqramının istifadəyə verilməsi Maskın X-ə daha çox reklamçı və populyar bloqçu cəlb etmək planında növbəti addım olacaq. Sahibkar istifadəçilərə böyük ekranda uzun videolara baxmaq imkanı yaratmaq istəyir. Mənbənin sözlərinə görə, X təkcə YouTube ilə deyil, həm də Twitch, Signal və Reddit kimi məşhur servislərlə rəqabət aparmağı hədəfləyir.
Mənbə lenta.ru