Britaniyanın xarici işlər naziri Devid Kemeron HƏMAS-a 40 günlük atəşkəs təklif edildiyini açıqlayıb. Kemeron bəyan edib ki, təklifə İsrail girovları müqabilində minlərlə fələstinli məhbusun azad edilməsi daxildir.
Ər-Riyadda keçirilən Dünya İqtisadi Forumunda açıqlama verən Kemeron, “Qəzzada 40 günlük atəşkəs üçün məhbusların azad edilməsi müqabilində səxavətli bir təklif var” deyib.
“Girovlar azad edilənə qədər bu münaqişə bitməyəcək”, – deyə Kemeron əlavə edib.
“Hesab edirəm ki, HƏMAS rəhbərliyi və İsrailə qarşı 7 oktyabr hücumuna görə məsuliyyət daşıyanlar Qəzzanı tərk etməli və iki dövlətli həll üçün siyasi perspektiv yarada bilməlidirlər”.
Cameron bildirib ki, HƏMAS-a təqdim edilən təklifə 40 günlük müvəqqəti atəşkəs və İsrail girovları müqabilində minlərlə fələstinli məhbusun azad edilməsi daxildir.
Britaniyalı nazir “Ümid edirəm ki, HƏMAS bu razılaşmanı qəbul edər və düzünü desəm, bu gün dünyanın bütün təzyiqləri və gözləri Həmas üzərində olmalı, onlara “bu təklifi qəbul edin” deməlidir”.
Mənbə: Ntv.Tr