ABŞ Milli Təhlükəsizlik Şurasının Strateji Kommunikasiyalar Koordinatoru Con Kirbi Livanda Hizbullahı hədəf alan ard-arda törədilən partlayışlarla bağlı “Gərginliyin hər hansı bir yüksəlişini görmək istəmirik” deyib və ABŞ-ın partlayışlarla heç bir əlaqəsi olmadığını da vurğulayıb.
ABŞ Milli Təhlükəsizlik Şurasının Strateji Kommunikasiyalar üzrə koordinatoru Con Kirbi Ağ Evdə keçirilən gündəlik mətbuat konfransında danışıb.
“GƏRGİNLİYİN ARTMAĞLNI GÖRMƏK İSTƏMİRİK”
Kirbi, İsrailin məsuliyyət daşıdığı Livanda iki günlük partlayışlardan sonra münaqişənin bütün tərəflərini regional gərginliyin artmasına qarşı xəbərdar etdi.
“Biz gərginliyin artmasını görmək istəmirik. Biz həll yolunun əlavə hərbi əməliyyatlar olduğuna inanmırıq”, – Kirbi bildirib. Kirbi həmçinin ABŞ-ın peycer və radio partlayışları ilə heç bir əlaqəsi olmadığını ifadə edərək, “Bizim dünənki hadisələrə və ya bugünkü hadisələrə heç bir şəkildə qarışmamışıq” deyib.
Hizbullahı hədəf alan partlayışların İsrail və HƏMAS arasında davam edən atəşkəs danışıqlarına zərər verib-verməyəcəyi sualına Kirbi bunu söyləmək üçün hələ tez olduğunu bildirib.
Yaxın Şərqdə hərtərəfli qarşıdurmanın qaçılmaz olub-olmaması ilə bağlı suala Kirbi, “Bu bölgəyə gəldikdə heç nə qaçılmaz deyil” deyib.
Mənbə: İhlas Xəbər Agentliyi (İHA)