Bugun.tv xəbər verir ki, ABŞ dövlət katibi Antoni Blinken İranın nüvə proqramını ləngitməsi ilə bağlı qərarını alqışladıqlarını bildirib.
Bir jurnalist Wall Street Journal-ın İranın nüvə proqramını ləngitməsi ilə bağlı xəbərinə işarə edərək, “Bu doğrudurmu? Sizin məlumatınıza görə, həqiqətənmi nüvə proqramını ləngitdilər?”, – sualını verib.
“Dediyiniz xəbəri təsdiq edə bilmərəm. Təbii ki, deyə bilərəm ki, İranın ABŞ-ın nüvə sazişindən çıxmasından sonra həqiqətən artan nüvə təhlükəsini azaltmaq üçün atacağı istənilən addımı alqışlayacağıq”, – Blinken cavabında bildirib.
Hazırda İran və ABŞ arasında heç bir nüvə razılaşmasının olmadığını bildirən Blinken, “Biz açıq şəkildə deyirik ki, İranın diplomatiyaya yer açmaq üçün gərginliyi azaltması lazımdır”, – söyləyib.