ABŞ-ın Arizona ştatında iki kiçik təyyarənin havada toqquşması nəticəsində iki nəfər ölüb. Qəzadan sonra hava limanı müvəqqəti bağlanarkən, ABŞ Federal Aviasiya İdarəsi və NTSB qəza ilə bağlı araşdırmalara başlayıb. ABŞ-da daha bir təyyarə qəzası baş verib. Arizona ştatının Marana Regional Hava Limanında havada Lancair 360 MK II tipli təyyarə ilə Cessna 172S tipli təyyarə toqquşub. Marana Polis İdarəsi hər təyyarədə 2 nəfərin olduğunu bildirərək qəzada 2 nəfərin öldüyünü açıqlayıb. ABŞ Milli Nəqliyyat Təhlükəsizliyi Şurası (NTSB) Cessna təyyarəsinin qəzadan sonra yerə enə bildiyini, digər təyyarənin isə eniş zolağının yanındakı quruya düşərək alov aldığını bildirib.
Hava limanı müvəqqəti olaraq bağlanarkən, ABŞ Federal Aviasiya İdarəsi (FAA) və NTSB qəza ilə bağlı araşdırmalara başlayıb.
“Nəzarət olunmayan ərazi” olaraq xarakterizə edilən Marana Regional Hava Limanında hava hərəkətinə nəzarət qülləsi yoxdur. Pilotlar öz yerlərini digər təyyarələrə bildirmək üçün Ümumi Trafik Xəbərdarlıq Tezliyindən istifadə edirlər.
Yanvarın 30-da ABŞ-da Ronald Reyqan Vaşinqton Milli Hava Limanında hərbi helikopter və American Airlines sərnişin təyyarəsi havada toqquşub, 67 nəfər həlak olub. Filadelfiyada fevralın 1-də təcili yardım təyyarəsinin qəzaya uğraması nəticəsində 7 nəfər, fevralın 7-də Alyaskada kiçik təyyarənin qəzaya uğraması nəticəsində 10 nəfər həlak olub. Fevralın 11-də Arizona ştatının Scottsdale hava limanında şəxsi təyyarənin uçuş-enmə zolağından çıxaraq park edilmiş başqa bir təyyarəyə çırpılması nəticəsində 1 nəfər ölüb, 4 nəfər yaralanıb.
Mənbə: HurriYet