ABŞ Prezidenti tərəfindən imzalanan icra sərəncamı ilə kannabisin hüquqi statusunun yenidən nəzərdən keçirilməsi tibbi və elmi sahələrdə müzakirələrə səbəb olub. Biotexnologiya sahəsində fəaliyyət göstərən Avicanna şirkəti bu qərarın tibbi kannabis üzərində aparılan araşdırmaların genişlənməsinə şərait yaradacağını bildirib.
Şirkətin açıqlamasında qeyd olunur ki, kannabisin daha aşağı risk kateqoriyasına keçirilməsi klinik tədqiqatların aparılmasını asanlaşdıracaq və xroniki ağrı, epilepsiya, nevroloji və iltihabi xəstəliklərin müalicəsində yeni preparatların hazırlanmasına imkan verəcək. Mütəxəssislər bu addımın elmi əsaslara söykənən tibbi tətbiqlərin inkişafını sürətləndirəcəyini vurğulayırlar.
Bildirilib ki, qərar eyni zamanda səhiyyə sistemində tənzimləmə mexanizmlərinin təkmilləşdirilməsinə və təhlükəsiz dərman istehsalına nəzarətin gücləndirilməsinə xidmət edəcək. Avicanna və digər elmi qurumlar hesab edirlər ki, bu dəyişiklik ABŞ-da tibbi kannabis sahəsində yeni mərhələnin başlanğıcı ola bilər.
Mənbə: BBC