Bugun.tv xəbər verir ki, ABŞ-da yaşayan türklər qeyri-rəsmi nəticələrə görə prezident Rəcəb Tayyib Ərdoğanın prezident seçkilərinin ikinci turunda qazandığı uğuru qeyd ediblər.
Nyu-Cersi ştatının Paterson şəhərində Türkiyədəki seçkilərin nəticələrindən sonra bir araya gələn qürbətçilər böyük sevinclə prezidentin uğurunu Türkiyə bayraqları, AK Partiya bayraqları və Ərdoğan posterləri ilə qarşılayıblar.
Bir çox türk avtomobilləri siqnal verərək, maşınlarından Türkiyə bayraqları və Ərdoğan posterlərini dalğalandıraraq Paterson küçələrini gəziblər.
Konvoya qatılan fələstinlilər də hər iki ölkənin bayraqları ilə “Ərdoğan” şüarları səsləndirərək seçkinin nəticəsini qeyd ediblər.
Mənbə: TrtHaber