UPS-ə məxsus yük təyyarəsi Kentukki ştatının Luisvill şəhərindəki Məhəmməd Əli Beynəlxalq Hava Limanından qalxdıqdan qısa müddət sonra qəzaya uğrayıb. Yaşayış məntəqəsinin yaxınlığında qəzaya uğrayan təyyarənin qalıqlarında yanğın baş verib və xəsarət alan olmayıb.
ABŞ Federal Aviasiya Administrasiyası (FAA) UPS yük təyyarəsinin yerli vaxtla saat 17:15-də Luisvil Məhəmməd Əli Beynəlxalq Hava Limanından havaya qalxdıqdan qısa müddət sonra qəzaya uğradığını açıqlayıb. Honoluludakı Daniel K. İnouye Beynəlxalq Hava Limanına gedən təyyarə hava limanını əhatə edən yaşayış məntəqəsinin yaxınlığında qəzaya uğrayıb. Təyyarənin düşdüyü ərazidə baş verən yanğının alovu kilometrlərlə uzaqdan görünüb.
Ölüm və ya xəsarət alanlar barədə hələlik heç bir məlumat verilməsə də, Federal Aviasiya Administrasiyası (FAA) aşağıdakı açıqlamanı yayıb: UPS 2976 nömrəli McDonnell Douglas MD-11 təyyarəsi, 4 noyabr çərşənbə axşamı yerli vaxtla saat 17:15 radələrində Luisvilldən qalxdıqdan qısa müddət sonra qəzaya uğrayıb. FAA və Milli Nəqliyyat Təhlükəsizliyi Şurası (NTSB) hadisəni araşdıracaq. NTSB araşdırma aparacaq və hər hansı yeniləməni təqdim edəcək.
Qəzadan sonra hava limanı hava nəqliyyatı üçün bağlanıb.
Mənbə: Hurriyet.com