Venesuelanın şimalında yerləşən Kürəsao adası yaxınlığında ABŞ-a məxsus sərnişin təyyarəsi ABŞ Hərbi Hava Qüvvələrinə aid yanacaqdoldurma təyyarəsi ilə toqquşma təhlükəsi ilə üzləşib.
Kürəsaodan Nyu-Yorkdakı Con Kennedi (JFK) Hava Limanına uçan JetBlue hava yollarına məxsus 1112 saylı reysin pilotu hadisə ilə bağlı hava nəqliyyatının idarə olunmasına məlumat verib. Hadisəyə dair pilotla dispetçer arasında baş verən danışıqların səs yazıları yayılıb.
Səsyazmalara əsasən, hərbi təyyarə sərnişin təyyarəsinin birbaşa uçuş marşrutu üzərindən və eyni hündürlükdə keçib. Pilot iki təyyarə arasındakı məsafənin təxminən 3–8 kilometr olduğunu bildirib.
Pilot həmçinin uçuş zamanı Venesuela hava məkanına daxil olduqları üçün hərəkəti dayandırmalı olduqlarını qeyd edib.
Mənbə: Trthaber.com