ABŞ-ın dövlət borcu sürətlə artır. Borc içində olan ölkədə son məlumatlara görə, 19 noyabr tarixinə 35,9 trilyon dollara çatıb. Bu, ötən günlə müqayisədə 4,8 milyard dollar artım deməkdir. Ekspertlərin fikrincə, bu cür artım dayanmadan davam edərsə, bu, böyük iqtisadi risklər yarada bilər.
ABŞ-ın dövlət borcu sürətlə artmaqda davam edir. Son məlumatlara görə, noyabrın 19-na ölkənin borcu 35,9 trilyon dolları keçib. Bu, bir gün əvvəllə müqayisədə 4,8 milyard dollar artım deməkdir. Ekspertlər bildirirlər ki, bu artım dayanmadan davam edərsə, böyük iqtisadi risklər yarada bilər.
Müqayisə üçün qeyd edək ki, 1980-ci illərdə ABŞ-ın dövlət borcu cəmi 907 milyard dollar civarında idi. Amma bu gün borcun səviyyəsi astronomik həddə çatıb və iqtisadçılar bu vəziyyətin dayanıqlı olmadığını deyirlər.
ABŞ hökumətinin borc faizi ödənişləri Medicare və müdafiə xərclərini üstələyib. Konqresin Büdcə Ofisinin məlumatına görə, yaxın 10 ildə borcun 54 trilyon dollara çatacağı gözlənilir. Bunun əsas səbəbləri əhalinin qocalması, sağlamlıq xərclərinin artması və faiz dərəcələrinin artmasıdır.
CRFB (Məsuliyyətli Federal Büdcə Komitəsi) sədri Maya MacGuineas, “Borc ödənişləri büdcənin ən sürətlə böyüyən hissəsinə çevrildi. Faiz ödənişlərinin 2032-ci ilə qədər hər il 1,4 trilyon dollara yüksələcəyi gözlənilir. “2053-cü ildə bu rəqəm 5,4 trilyon dollara çata bilər. Bu, hətta ölkənin sosial təminat, təhsil və infrastruktur xərclərini belə cırtdan edəcək bir yük deməkdir.
Fitch Ratings 2023-cü ilin ortalarında ABŞ-ın kredit reytinqini AAA-dan AA+-a endirib. Bu qərarın səbəbi ölkədə maliyyənin pisləşməsi və siyasi qütbləşmənin artması olub. İqtisadçı Sean Snaith, “Bu, ABŞ hökumətinə açıq bir xəbərdarlıqdır. Hər il gəlirinizdən çox trilyon dollar xərcləyə bilməzsiniz.
Prezident Co Baydenin vəzifəyə gəldiyi gündən təsdiq etdiyi xərclər ümumilikdə 4,8 trilyon dollara çatıb. Bu rəqəm keçmiş prezident Donald Trampın dövründə eyni dövrdəki 2,5 trilyon dollarlıq xərcləri iki dəfə artırıb. Bununla belə, Bayden hakimiyyəti dövründə büdcə kəsirini 1,7 trilyon dollar azaltdığını iddia edir.
2023-cü il sorğusuna əsasən, amerikalıların 57%-i büdcə kəsirinin azaldılmasını hökumətin prioriteti kimi görür. Bu göstərici ötən il 45% olub.
İqtisadçılar artan borcun təhsil, tədqiqat və infrastruktur kimi gələcək sərmayələri sarsıdacağını vurğulayırlar. Peter G. Peterson Fondundan Maykl Peterson xəbərdarlıq etdi: “Borc bataqlığına qərq olmuş bir xalq öz gələcəyinə sərmayə qoya bilməz”.
Mənbə: TGRT