ABŞ-ın Nyu-Cersi ştatında güclü yağışların səbəb olduğu daşqınlar səbəbindən fövqəladə vəziyyət elan edilib.
NBC News-un məlumatına görə, Nyu Cersi qubernatoru Phil Murphy şiddətli yağışlar səbəbindən fövqəladə vəziyyət elan etdiyini bildirərək, “Xahiş edirəm evdə qalın və lazımsız səyahətlərdən çəkinin” deyib.
Bu arada Nyu York Şəhər Fövqəladə Halların İdarə Olunması Agentliyi (NYEM) özünün sosial media platforması X-də “Əgər zirzəmidə yaşayırsınızsa, ayıq-sayıq olun. Fövqəladə daşqınlar gecə də daxil olmaqla, kiçik xəbərdarlıqla baş verə bilər. Telefonunuzu, fənərinizi və təcili yardım dəstinizi özünüzlə aparın. Daha yüksək yerə getməyə hazır olun” sözləri ilə xəbərdarlıq edib.
Nyu-Cersi ştatında iyulun əvvəlində güclü yağış və fırtına zamanı ağacın avtomobilin üzərinə aşması nəticəsində üç nəfər ölüb.
Bu arada, ABŞ-ın cənubundakı Texas ştatında iyulun 4-də yağan qəfil leysan yağışı Kerr bölgəsində daşqınlara səbəb olub və Quadalupe çayını aşmışdı.
İndiyədək daşqınlarda 130 nəfərin öldüyü, təxminən 150 nəfərin itkin düşdüyü, axtarışların davam etdiyi bildirilir.
Mənbə: HaberGlobal