Bugun.tv xəbər verir ki, CNN-in bazar günü Pentaqonun ilkin təhlilinə istinadən verdiyi xəbərə görə, ABŞ İraq və Suriyada endirdiyi zərbələr zamanı 85 hədəfdən 84-nü vurub.
Telekanalın məlumatına görə, 84 hədəf “məhv edilib və ya funksional zədələnib”.
Tam zərbədən sonrakı təhlil hələ də davam edir. Lakin bir rəsmi bildirib ki, əməliyyatlar çərçivəsində İran İslam İnqilabı Keşikçiləri Korpusunun üzvlərinin öldürüldüyünə dair heç bir əlamət yoxdur. CNN qeyd edib.
Fevralın 3-nə keçən gecə ABŞ İraq və Suriyanın müəyyən sərhəd bölgələrində yerləşdirilmiş iranyönlü silahlı qruplaşmalara ardıcıl zərbələr endirib. ABŞ Mərkəzi Komandanlığı (CENTCOM) bildirib ki, 85-dən çox hədəfi vuran hava zərbələri İran İslam İnqilabı Keşikçiləri Korpusunun Qüds Qüvvələri (SEPAH, İran silahlı qüvvələrinin elit bölmələri) və əlaqəli qrupları hədəf alıb.
Mənbə tass
Müxbir Qaytən Qasımzadə