ABŞ prezidenti Donald Tramp Misirdə Qəzza zirvəsindən əvvəl İsrail parlamentində çıxış edib. Çıxış zamanı Tramp əleyhinə şüarlar səsləndirən iki parlament üzvü təhlükəsizlik əməkdaşlarının müşayiəti ilə palatadan çıxarılıb.
Qəzza üçün tarixi gün…
Misirdə İsrail və HƏMAS arasında atəşkəs razılaşması imzalanıb.
Atəşkəs razılaşması çərçivəsində 20 israilli girov azad edilib.
Mübadilə davam edərkən, İsrailə səfər edən ABŞ prezidenti Donald Tramp çıxış etmək üçün Knessetə gedib. Tramp İsrail parlamentində 2,5 dəqiqə alqışlarla qarşılanıb.
Tramp İsrailin baş naziri Binyamin Netanyahudan sonra çıxış etmək üçün kürsüyə qalxıb. ABŞ prezidenti çıxışına başladıqdan az sonra etirazlarla qarşılanıb.
Etirazçıların israilli deputatlar Ayman Odeh və Ofer Cassif olduğu müəyyən edilib. İki deputat mühafizəçilər tərəfindən zorla zaldan çıxarılıb.
Bildirilib ki, deputatlar şüarlarla yanaşı, “soyqırım” və “Fələstini tanıyın” yazılmış pankart da açıblar.
Tramp etiraz aksiyası ilə bağlı “Təsirli idi” deyib.
Deputatlardan biri Ayman Odeh palatadan müşayiət olunduqdan sonra sosial şəbəkədə pankartın fotosunu paylaşıb.
Mənbə: EnSonHaber