Bugun.tv xəbər verir ki, 28 mayda keçirilən seçkilərin ikinci turunda qalib gələn Türkiyə Prezident R.T.Ərdoğana dünya liderlərindən təbrik zəngləri gəlməkdə davam edir.
ABŞ Prezidenti Bayden Ərdoğana telefonla zəng edərək onu yenidən seçilməsi münasibətilə təbrik edib. Prezidentliyin Kommunikasiyalar Müdirliyindən verilən açıqlamaya görə, ABŞ prezidenti Bayden prezident Ərdoğanın seçkilərdəki uğurunu təbrik edib və nəticələrin türk xalqı üçün faydalı olmasını arzulayıb.
Türkiyə-ABŞ əlaqələrinin regional və qlobal çağırışlar qarşısında daha böyük əhəmiyyət kəsb etdiyini bildirən liderlər yeni dövrdə iki ölkə arasında bütün məsələlərdə əməkdaşlığın genişləndirilməsi barədə razılığa gəliblər.
Mənbə: SABAH