ABŞ-ın Puerto Rikoya altı pilotsuz təyyarə yerləşdirdiyi müəyyən edilib. Bu addımın ABŞ-Venesuela münasibətlərində gərginliyə səbəb ola biləcəyi ilə bağlı şayiələr var.
Puerto Rikodakı Rafael Hernandez Beynəlxalq Hava Limanına altı MQ-9A Reaper pilotsuz uçuş aparatının (PUA) yerləşdirilməsini göstərən xəritələr yayımlanıb.
Çin kosmik kəşfiyyat şirkəti MizarVision tərəfindən yayımlanan şəkillərdə altı Reaper dronunun 9 sentyabrda Puerto-Rikonun Aquadilla şəhərindəki Rafael Hernandez hava limanında park edildiyi göstərilir.
GƏRGİNLİK OLACAQ?
ABŞ-ın Karib dənizi bölgəsində yerləşən Puerto-Rikoya pilotsuz uçuş aparatları (PUA) yerləşdirməsi ABŞ-Venesuela münasibətlərini gərginləşdirə biləcəyi ilə bağlı spekulyasiyalara səbəb olur. ABŞ administrasiyası Karib hövzəsindəki qeyri-qanuni fəaliyyətlərin qarşısını almaq üçün hərbi varlığını artırdığını iddia edir.
Venesuela administrasiyası isə ABŞ-ın Venesuelada rejim dəyişikliyinə can atdığını və bunun üçün bəhanələr uydurduğunu iddia edir. ABŞ daha əvvəl narkotik daşıdığı iddia edilən Venesuela ilə üz-üzə olan cənub Karib bölgəsində Venesuelada yerləşən Tren de Aragua bandasının idarə etdiyi gəmiyə hücum etmişdi.
ABŞ Prezidenti Donald Tramp hücumla bağlı “Bunu ABŞ-a qaçaqmalçılıq yolu ilə narkotik keçirməyi düşünən hər kəsə xəbərdarlıq hesab edin” deyib. Əvvəlki icra sərəncamında Prezident Tramp Latın Amerikası narkotik kartelləri ilə mübarizə üçün ordunun artırılması və daha effektiv istifadə edilməsi barədə göstəriş vermişdi. Bu kontekstdə ABŞ avqustun sonunda USS Gravely, USS Jason Dunham və USS Sampson döyüş gəmilərini Venesuela sahillərinə göndərdi.
Venesuela prezidenti Nikolas Maduro cavab olaraq 4,5 milyonluq silahlı qüvvələrini səfərbər etdiyini və istənilən hücumu dəf etməyə hazır olduğunu açıqlayıb. ABŞ-ın müdafiə naziri Pit Heqset ordunun Venesuelada rejim dəyişikliyi əməliyyatına hazır olduğunu bildirib.
Mənbə: TgrtHaber