ABŞ-ın Polşanın şimalındakı Redzikovo kəndi yaxınlığında qurduğu “Aegeis Ashore” raketdən müdafiə bazası bu gün fəaliyyətə başlayıb. 500-ə yaxın ABŞ əsgərinin vəzifə yerinə yetirəcəyi bildirilsə də, Polşa hökuməti bazanın Polşanı gələcəkdə Rusiyadan gələcək təhdidlərə qarşı müdafiə etməsini gözləyir…
Polşanın şimalındakı Redzikovo kəndi yaxınlığında inşa edilən ABŞ raketdən müdafiə sisteminin bir hissəsi olan Aegeis Ashore Raket Müdafiə bazası bu gün keçirilən mərasimlə fəaliyyətə başlayıb.
ABŞ və Avropalı müttəfiqlərini Yaxın Şərqdən, xüsusən də İrandan gələn raket təhdidlərindən qorumaq məqsədi daşıyan raketdən müdafiə bazasında hər birində 8 SM-3 IIA tutma raketi və 1 SPY-1D ballistik raketi olan 3 MK41 şaquli buraxılış sistemi var. Erkən xəbərdarlıq radarla təchiz edildiyi bildirildi.
Bildirilib ki, 1000-3000 kilometr mənzilli raketlərə sahib olan baza həm də NATO müdafiə sisteminin mühüm elementidir. Bazanın açılışında çıxış edən Polşa prezidenti Anjey Duda ABŞ ordusu kimi dünyanın təhlükəsizliyini qoruyacaq Aegeis Ashore Raketdən Müdafiə Bazasının açılmasından məmnunluğunu ifadə edib. “İndi bütün dünya aydın şəkildə görəcək ki, bu, artıq Rusiyanın təsir dairəsi deyil”, – deyən Duda hazırda Polşada 10 minə yaxın ABŞ əsgərinin xidmət etdiyini və ABŞ-ın Polşanın və bütün NATO-nun təhlükəsizliyinin qarantı olduğunu bildirib.
Aegeis Ashore Raketdən Müdafiə Bazasında 500-ə yaxın ABŞ əsgərinin xidmət edəcəyi bildirilsə də, Polşa hökuməti bazanın gələcəkdə Rusiyadan gələcək təhdidlərə qarşı Polşanı müdafiə etməsini gözləyir.
Mənbə: TGRT