Bugun.tv xəbər verir ki, ABŞ administrasiyası rusiyalı dissident Aleksey Navalnının zəhərlənməsində əli olan 4 nəfərə qarşı sanksiya tətbiq etdiyini açıqlayıb.
ABŞ Maliyyə Nazirliyindən verilən açıqlamada Xarici Aktivlərə Nəzarət Ofisinin (OFAC) 3 il əvvəl Navalnının zəhərlənməsinə görə Rusiyanın məsuliyyət daşıması üçün bir daha hərəkətə keçdiyi açıqlanıb.
Navalnının 2021-ci ilin yanvarında Rusiyaya qayıdarkən həbs olunduğunu xatırladan bəyanatda onun avqustun 4-də “ekstremizm” ittihamı ilə 19 il müddətinə azadlıqdan məhrum edildiyi bildirilib.
Bəyanatda OFAC-ın Navalnının zəhərlənməsində əli olan Aleksey Aleksandrov, Konstantin Kudryavtsev, İvan Osipov və Vladimir Panyayevə qarşı sanksiyalar tətbiq edəcəyi qeyd olunub.