Bağdadda yerləşən ABŞ səfirliyinin yaxınlığında partlayış səsləri eşidilib və bölgədə təhlükəsizlik səviyyəsi artırılıb. CNN-in yaydığı məlumata görə, hadisə zamanı hava hücumundan müdafiə sistemləri aktivləşdirilib və paytaxtın “Yaşıl zona” adlanan hissəsində bir neçə partlayış qeydə alınıb.
Məlumata əsasən, yayılan videolarda müdafiə sistemlərinin havada hədəfləri vurduğu görünür. Hələlik hücumun kim tərəfindən həyata keçirildiyi rəsmi şəkildə açıqlanmayıb. ABŞ səfirliyi ilə bağlı təhlükəsizlik tədbirləri gücləndirilib və əraziyə əlavə qüvvələr cəlb olunub.
Qeyd olunur ki, bu, son günlər regionda artan gərginlik fonunda baş verən növbəti insidentdir. Daha əvvəl də səfirlik ətrafında oxşar hücumların qeydə alındığı bildirilmişdi. Hadisə ABŞ, İsrail və İran arasında davam edən qarşıdurma fonunda baş verir və regionda vəziyyətin daha da gərginləşdiyini göstərir.
Ekspertlər hesab edir ki, belə hadisələr Yaxın Şərqdə münaqişənin genişlənməsi riskini artırır və diplomatik səylərin daha da aktuallaşmasına səbəb olur.
Mənbə: The Guardian