ABŞ-dakı Bayden rəhbərliyinin təxminən 2 aydır bir tonluq bomba ilə birlikdə göndərilməsi dayandırılan təxminən 227 kiloqramlıq bombaları yenidən İsrailə göndərməyə başladığı bildirilib.
Adının açıqlanmasını istəməyən bir rəsmi qeyd edib ki, sözügedən bombalar “daşıma prosesindədir” və yaxın həftələrdə İsrailə çatması gözlənilir.
Rəsmi bildirib ki, İsrailin Rəfah şəhərinə hücum edəcəyini açıqladığı vaxt onların əsas narahatçılığı 227 kiloqramlıq bombalar deyil, əhalinin sıx məskunlaşdığı ərazilərdə bir tonluq bombaların potensial istifadəsi olub.
227 kiloqramlıq bombaların bir tonluq bomba ilə eyni sursat daşımasında bir araya gətirildiyi üçün təhvil verilməsinin dayandırıldığını izah edən səlahiyyətli, “Bizim narahatçılığımız 227 kiloqramlıq bombalarla bağlı olmadığı üçün, bu bombaların bir hissəsi olaraq irəliləyirik. Bu normal prosesdir” deyib.
Sözügedən rəsmi 227 kiloqramlıq bombaların ayrı-ayrılıqda İsrailə göndərildiyini təsdiqləyib və 1 tonluq bombaların göndərilməsinin hələ də dayandığını vurğulayıb.
ABŞ-da Bayden administrasiyası may ayında İsrailin əhalinin sıx məskunlaşdığı Rəfah şəhərinə hücum edəcəyini elan etməsindən sonra mülki əhalinin tələfatının qarşısını almaq üçün bir ton və 227 kiloqramlıq bombaların daşınmasını dayandırdığını açıqlayıb.
Xəbərdə sözügedən yükdə 1800 1 tonluq və 1700 ədəd 227 kiloqramlıq bomba olduğu bildirilib.
Mənbə: TGRT