Bugun.tv xəbər verir ki, ABŞ Dövlət Departamenti bəyan edib ki, Şimali Koreya Rusiyaya silah tədarük etməyə razılaşarsa, lazımi addımları atmaqdan çəkinməyəcəklər.
ABŞ Dövlət Departamentinin sözçüsü Metyu Miller mətbuat konfransında jurnalistlərin suallarını cavablandırıb.
Şimali Koreya ilə Rusiya arasında hər hansı bir silah təhvilinin Birləşmiş Millətlər Təşkilatının Təhlükəsizlik Şurasının (UNSC) bir çox qətnaməsini pozacağını xatırladan Miller, ABŞ-ın bu məsələdə mövqeyinin aydın olduğunu vurğuladı.
Şimali Koreya lideri Kim Çen Inın Rusiyaya səfəri ilə bağlı Miller, “Baş verənləri izləyəcəyik və lazım gələrsə, bu insanların məsuliyyət daşıması üçün hərəkətə keçməkdən çəkinməyəcəyik”, – belə deyib.