Rusiya ilə ABŞ arasında gizli razılaşma üzə çıxıb. Donald Tramp vəzifəyə gəldikdən sonra Moskva ilə ilk təmas münasibətlərdə “yeni səhifə” kimi şərh edilib. İki ölkə arasındakı razılaşma ilə 4 ildir Rusiyada saxlanılan amerikalı müəllim Mark Fogel sərbəst buraxılıb. Tramp administrasiyası bu razılaşmanı “böyük diplomatik qələbə” kimi qiymətləndirib. Rusiya-Ukrayna müharibəsindən sonra Vaşinqton və Moskva arasında yaranan gərginlik Donald Trampın vəzifəyə başlaması ilə bir qədər azaldı. Müharibədən sonra ilk dəfə ABŞ və Rusiya arasında mühüm təmas baş verdi. Trampın xüsusi nümayəndəsi Steve Witkoff şəxsi təyyarəsi ilə Moskvaya uçdu və ABŞ ilə Rusiya arasında gizli razılaşma əldə edildi. Bu əlaqə əvvəlcə Kreml tərəfindən təkzib edilsə də, sonradan təsdiqlənib.
4 il Rusiyada saxlanılan amerikalı müəllim Mark Fogel bu gizli razılaşma sayəsində sərbəst buraxılıb. Trampın səfiri Witkoff tərəfindən aparılan danışıqlar nəticəsində sərbəst buraxılan Fogel ölkəsinə dönərkən Ağ Evdə Tramp tərəfindən qarşılanıb. “Mən hazırda dünyanın ən şanslı adamıyam” dedi Fogel. “Orta sinif müəllimi idim, indi yuxudayam” deyib.
ABŞ-ın milli təhlükəsizlik üzrə müşaviri Mike Waltz açıqlamasında deyib: “Prezident Tramp, Stiv Vitkoff və müşavirləri rusların xoş iradəsini nümayiş etdirən və Ukraynada amansız müharibəni bitirmək yolunda olduğumuzu sübut edən mübadilə sazişi üzrə danışıqlar apardılar”.
Gizli razılaşma yalnız Witkoff Rusiya hava məkanını tərk etdikdən sonra elan edildi.
ABŞ-ın Rusiyanın Fogeli azad etməsi müqabilində nə təklif etdiyi açıqlanmayıb.Rusiyalı hüquqşünaslar “Fogelin azadlığa buraxılması ABŞ və Rusiya arasında münasibətlərin yaxşılaşmasına ümid işığıdır” şərhini verib.
Digər tərəfdən, Donald Tramp sosial media platforması Truth Social-da verdiyi açıqlamada maliyyə naziri Scott Bessent-i Ukraynaya göndərəcəyini və ABŞ-ın Ukraynanın təbii sərvətlərinə çıxışı və müharibəni bitirməsini müzakirə edəcəyini bildirib.
Mənbə: TgrtHaber